Synode d'Ypres (1577)
Titre XV: De Sacrificio Missae, Chapitre 2
Sint quoque induti vestibus sacris eisque mundis, & pleno habitu Sacerdotali, hoc est, amictu, alba, manipulo, stola & casula. Corporale quoque habeant mundum, & calicem cum patina integrum ; nec non vinum, aquam, & hostiam integram, ac non nimis vetustam. Vinum quoque ab aqua diligenter secernant: &prius vinum & postea duas tantum aut tres guttas aquae in calicem infundant. Extersoria etiam munda, & tobaleas in debito numero, ac non pauciores, quam duas habeant in altari. Neque ad celebrandum procedant, nisi prius haec omnia parata habeant, & candelas incensas, nec non ministrum, qui respondere celebranti & servire noverit.
